У смартфонах з’явіцца функцыя, якая будзе пабуджаць карыстальнікаў глядзець на дарогу падчас хадзьбы
Карыстальнікі Android будуць атрымліваць паведамленні, што ім не варта глядзець у тэлефон на хаду.
13.04.2021 / 16:18
Фота Надзеі Бужан
Гэта функцыя пад назвай Heads Up з’явіцца ў мабільным дадатку Digital Wellbeing, прызначаным для кантролю часу, праведзенага за смартфонам, піша BBC.
Новая функцыя будзе дасылаць на экран паведамленне з прапановай адарвацца ад экрана падчас хадзьбы і засяродзіцца на навакольным асяроддзі. Гэта можа дапамагчы забяспечыць большую бяспеку на дарозе.