U Minsku za palityku zatrymali 65-hadovaha piensijaniera. Kažuć, u jaho znajšli 65 tysiač jeŭra i 87 tysiač dalaraŭ
MUS nazyvaje jaho administrataram rajonnaha čata Uručča.
23.04.2021 / 15:56
U kvatery minčuka, śćviardžaje milicyja, znajšli 65 tysiač jeŭra i 87 tysiač dalaraŭ.
«Piensija mužčyny nie pieravyšaje 280 rubloŭ, praviarajecca jaho dačynieńnie da finansavańnia pratestaŭ», — paviedamlaje MUS.
«Jon zatrymany za parušeńnie paradku arhanizacyi abo praviadzieńnia masavych mierapryjemstvaŭ», — adznačajecca ŭ paviedamleńni.
Vierahodna, zatrymany — heta Adam Špakoŭski, da jakoha 21 krasavika ŭvarvalisia milicyjanty i pravodzili vobšuk na praciahu šaści hadzinaŭ, paviedamlaje spring96.org.
Pa aficyjnaj viersii, na mužčynu paskardzilisia susiedzi za toje, što «jon dastaŭ usich svajoj biełaruskaj movaj».
Paśla zatrymanaha pavieźli na Akreścina, pa słovach jaho siamji, sud užo adbyŭsia i pakaraŭ mužčynu aryštam na 15 sutak.