U Kijevie 16-hadovy padletak zarezaŭ usiu siamju i pražyŭ ź imi u kvatery niekalki dzion
Pravaachoŭniki ŭ Kijevie zatrymali 16-hadovaha padletka, jaki, jak miarkujecca, zarezaŭ svaich baćkoŭ i vaśmihadovaha brata, pražyŭ ź ich ciełami niekalki dzion, a paźniej źnik.
27.04.2021 / 11:09
Paviedamleńnie pra hety žachlivy vypadak zjaviłasia na sajcie Nacyjanalnaj palicyi Ukrainy.
U paniadziełak, 26 krasavika, u palicyju źviarnułasia miascovaja žycharka. Jana raspaviała, što siamja jaje syna niekalki dzion nie vychodzić na suviaź i paprasiła pravieryć kvateru.
Siłaviki vyjavili ŭ kvatery cieły hramadzian 1971, 1979, a taksama 2012 hoda naradžeńnia.
«My ŭstanavili, što da ździajśnieńnia ciažkaha złačynstva datyčny 16-hadovy starejšy syn paciarpiełych», — havorycca ŭ paviedamleńni.
Paśla hetaha kiraŭnictva miascovaha ŭpraŭleńnia palicyi padniała pa tryvozie ŭsich rabotnikaŭ, i nieŭzabavie junak byŭ zatrymany. Pry sabie ŭ jaho byŭ akryvaŭleny nož. Vyśvietliłasia, što zabojstva adbyłosia na hruncie siamiejnaj svarki. Małady čałaviek spačatku zabiŭ baćkoŭ, a potym i małodšaha brata.
Jon zastavaŭsia ŭ kvatery jašče niekalki dzion, a paśla vyrašyŭ źbiehčy.
Padletku pahražaje pažyćciovaje źniavoleńnie, zaviedziena kryminalnaja sprava ab naŭmysnym zabojstvie.