U Rasii zarehistravali vakcynu «Sputnik Łajt»

Jaje ŭvodziać za adzin raz.

06.05.2021 / 15:42

Adnakampanientnuju vakcynu suprać karanavirusa «Sputnik Łajt» zarehistravali ŭ Rasii, vynikaje z paviedamleńnia Rasijskaha fondu pramych inviestycyj (RFPI), piša TASS.

Pa słovach raspracoŭščykaŭ, efiektyŭnaść adnakampanientnaj vakcyny «Sputnik Łajt» skłała 79,4% z 28-ha dnia paśla atrymańnia imunizacyi. Pakazčyk efiektyŭnaści na ŭzroŭni kala 80% pieravyšaje pakazčyki efiektyŭnaści mnohich vakcyn, jakija patrabujuć dvuch ukołaŭ.

Raźlik efiektyŭnaści ažyćciavili na asnovie źviestak rasiejcaŭ, jakija atrymali tolki adzin ukoł u ramkach prahramy masavaj hramadzianskaj vakcynacyi i nie atrymali druhi ŭkoł ź luboj pryčyny ŭ pieryjad ad 5 śniežnia 2020 hoda da 15 krasavika 2021 hoda.

«Sputnik Łajt» efiektyŭny suprać usich novych štamaŭ karanavirusa pa vynikach łabaratornych daśledavańniaŭ Navukova-daśledčaha instytuta imia Hamalei.

Nashaniva.com