Da 6 hadoŭ turmy: vynieśli prysudy ŭ spravie telehram-kanała «Armija z narodam»
Aktyvistu «Narodnaj hramady» Siarhieju Sparyšu prysudzili 6 hadoŭ uzmocnienaha režymu, piša «Radyjo Svaboda».
07.05.2021 / 15:44
Siarhiej Sparyš. Fota Tut.by
Antaninie Kanavałavaj i jaje mužu Siarhieju Jaraševiču — pa 5 hadoŭ i 6 miesiacaŭ źniavoleńnia. Antanina budzie adbyvać termin u kalonii ahulnaha režymu, Siarhiej — uzmocnienaha.
Siarhieju Koršunu i Jaŭhienu Pryvałavu — pa 4 hady i 6 miesiacaŭ źniavoleńnia ŭ kalonii ŭzmocnienaha režymu.
Padsudnych abvinavacili ŭ padrychtoŭcy da ŭdziełu ŭ masavych biesparadkach i padrychtoŭcy biesparadkaŭ.
Siarhieja Sparyša vinavaciać jašče i ŭ tym, što jon pieraškadžaŭ pracy Centravybarkamu.
Abaroncy ŭsich piaci abvinavačanych prasili dla svaich kłijentaŭ apraŭdalnych prysudaŭ.
Telehram-kanał «Armija z narodam» uźnik u červieni 2020 hodu.