У Еўропе назвалі тэрміны поўнага аднаўлення турызму. Не раней за 2023 год

Турызм у Еўрасаюзе зможа цалкам аднавіцца не раней 2023 года. Такі прагноз агенцтву «РІА Навіны» даў кіраўнік Еўрапейскай асацыяцыі па турызме ETOA Том Джэнкінс, піша lenta.ru.

12.05.2021 / 08:51

Лета ў Рыме. Фота Кацярыны Барысевіч

Паводле яго слоў, у 2022 годзе пачнецца паступовае абуджэнне галіны, аднак яе аб'ём будзе складаць толькі палову ад дапандэмійнага 2019-га.

Сярод магчымых складанасцяў для аднаўлення турызму ён назваў недахоп персаналу, бо многія супрацоўнікі з-за пандэміі знайшлі працу ў іншых сферах. Таксама ён выказаў сумнеў у гатоўнасці падарожнікаў траціць ранейшыя сумы грошай.

«Мы не ведаем, як выглядае сітуацыя, мы зразумеем гэта ў наступным годзе», — прызнаўся Джэнкінс.