Ukraina źbirajecca zabaranić pastaŭki elektraenierhii ź Biełarusi i Rasii da kastryčnika
Nacyjanalnaja kamisija, jakaja ažyćciaŭlaje dziaržaŭnaje rehulavańnie ŭ śfierach enierhietyki i kamunalnych pasłuh, maje namier zabaranić pastaŭki elektraenierhii ź Biełarusi i Rasii da 1 kastryčnika.
21.05.2021 / 11:31
Fota Natalli Fiadosienki, TASS
Zhodna z apublikavanym na sajcie rehulatara paradkam pasiadžeńnia, razhlad adpaviednaha pytańnia zapłanavany na 26 maja, piša TASS.
«Abmiežavać prapusknuju zdolnaść dla impartu elektryčnaj enierhii va Ukrainu, jakaja budzie prapanoŭvacca na miesiačnych i sutačnych aŭkcyjonach, u častcy miždziaržaŭnych pierasiačeńniaŭ pamiž Ukrainaj i dziaržavami, jakija nie źjaŭlajucca siabrami Enierhietyčnaj supolnaści, da 0 MVt», — skazana ŭ prajekcie pastanovy.
Adznačajecca, što dakumient ustupić u siłu ŭ dzień jaho pryniaćcia i budzie dziejničać da 1 kastryčnika.