Barel: JES zaviaršaje padrychtoŭku novych sankcyj u dačynieńni da Biełarusi
Jeŭrapiejski Sajuz zaviaršaje padrychtoŭku pieraliku asob i ŭstanoŭ, jakija majuć dačynieńnie da prymusovaj pasadki ŭ aeraporcie Minska samalota Ryanair, na borcie jakoha znachodziŭsia Raman Pratasievič. Pra heta zajaviŭ viarchoŭny pradstaŭnik JES pa źniešniaj palitycy i palitycy biaśpieki Žaziep Barel.
08.06.2021 / 21:42
Adznačajecca, što sankcyi ŭ dačynieńni da ich buduć užytyja ŭ najbližejšyja dni.
«Razam ź Jeŭrakamisijaj my pačali padrychtoŭku ekanamičnych sankcyj. Hetyja sankcyi buduć pryniatyja padčas nastupnaj sustrečy Rady ministraŭ JES pa zamiežnych spravach adnosna krytyčna važnych siektaraŭ biełaruskaj ekanomiki», — skazaŭ Barel na plenarnym pasiadžeńni Jeŭraparłamienta ŭ Strasburhu.
Jon nahadaŭ, što prymianieńnie takich ekanamičnych sankcyj adnosicca da kampietencyi krain-členaŭ, i vykazaŭ nadzieju, što ich pradstaŭniki buduć adzinymi ŭ hetym pytańni.
Barel taksama adznačyŭ, što JES padrychtavaŭ ekanamičny pakiet u pamiery 3 miljardaŭ jeŭra dla padtrymki demakratyčnaj Biełarusi.