Ajčym staviŭ trochhadovuju dačku na hrečku, źviazvaŭ ruki ściažkaj i biŭ
Žachlivy vypadak adbyŭsia ŭ Klimavičach, paviedamlaje SK.
22.06.2021 / 12:45
SK
Na situacyju źviarnuła ŭvahu ciotka dziaŭčynki: jana pabačyła ślady źbićcia na ciele i adviezła ŭ balnicu, a potym źviarnułasia ŭ milicyju.
Śledčyja ŭstanavili, što ajčym pieryjadyčna biŭ dziaŭčynku za drennyja pavodziny, abmiažoŭvaŭ u ježy i vadzie, staviŭ u kut na hrečku i źviazvaŭ ruki.
Dziaŭčynka z naradžeńnia da troch hadoŭ znachodziłasia ŭ Domie małoha, a paŭhoda tamu maci dziaŭčynki z ajčymam zabrali jaje dadomu.
Z hetaha času 25-hadovy chłopiec pieryjadyčna nanosiŭ dziaŭčyncy paboi nibyta za drennyja pavodziny, prymušaŭ stajać u kucie na hrečcy, źviazvaŭ ruki ściažkaj albo skotčam dy inš.
Viadoma, što ajčym staić na ŭliku ŭ psichijatra, a ŭ siamji vychoŭvajecca jašče dzieviacimiesiačnaja dziaŭčynka. Jaje pakul zabrali z siamji.
Raspačali kryminalnuju spravu pa č. 2 art. 154 (Katavańnie, ździejśnienaje ŭ dačynieńni da zaviedama dla vinavataha niepaŭnaletniaj asoby, što znachodzicca ŭ biezdapamožnym stanie). Mužčynu zatrymali, vyśviatlajecca dačynieńnie maci da złačynstva.