Novuju kryminalnuju spravu suprać niepaŭnahadovaha Mikity Załatarova z Homiela pieradali prakuroru dla nakiravańnia ŭ sud
17-hadovaha Mikitu Załatarova abvinavačvajuć u napadzie na supracoŭnika SIZA-3 pa art. 364 Kryminalnaha kodeksa.
24.06.2021 / 14:43
Pavodle materyjałaŭ spravy, Mikita «naŭmysna zrabiŭ padnožku supracoŭniku Łučkinu N. A., u vyniku čaho toj upaŭ na padłohu, a kali padniaŭsia, to prychiliŭ Mikitu da ściany, ale padletak schapiŭ Łučkina za vałasy i šyju, pryčyniŭšy fizičny bol i paboi paciarpiełamu, a taksama vykazaŭ pahrozu prymianieńnia hvałtu ŭ adras supracoŭnicy Chaŭbok T. Ju. i jaje blizkich», paviedamlajuć pravaabaroncy.
22 lutaha ŭ homielskim sudzie Mikicie prysudzili 5 hadoŭ u vychavaŭčaj kałonii pa kryminalnaj spravie ab «kaktejlach Mołatava». Chłopiec svaju vinu nie pryznaŭ.
Padtrymać Mikitu listami abo paštoŭkami možna pa adrasie: SIZA-3. 246003, h. Homiel, vuł. Knižnaja, 1A.