SAAZ zaklikaje i dalej nasić maski. Pryčyna — novy štam «delta»
Suśvietnaja arhanizacyja achovy zdaroŭja (SAAZ) zaklikała całkam vakcynavanych ludziej praciahvać nasić maski, vykonvać dystancyju i inšyja karancinnyja miery. Rekamiendacyi źviazanyja z raspaŭsiudžvańniem u śviecie štamu «Delta».
27.06.2021 / 11:22
Pra heta piša CNBC.
U arhanizacyi adznačajuć, što «delta-varyjant» chutka raspaŭsiudžvajecca pa ŭsim śviecie.
«Ludzi nie mohuć adčuvać siabie ŭ biaśpiecy tolki tamu, što jany atrymali dźvie dozy. Jany pa-raniejšamu majuć patrebu ŭ abaronie», — zajaviła namieśnik hiendyrektara SAAZ Maryjanhieła Simaa.
Pavodle jaje słoŭ, sama tolki vakcyna nie spynić pieradaču infiekcyi ŭ śviecie.
«Ludziam nieabchodna pastajanna vykarystoŭvać maski, znachodzicca ŭ vientylavanych pamiaškańniach, vykonvać hihijenu ruk (…) fizičnuju adlehłaść, paźbiahać vialikaj kolkaści ludziej. Heta pa-raniejšamu zastajecca nadzvyčaj važnym, navat kali vy prajšli vakcynacyju, kali pieradača virusa ŭ hramadstvie praciahvajecca», — skazała Simaa.
Raniej u SAAZ zajavili, što raspaŭsiudžvańnie novaha štamu karanavirusa «delta plus» moža pryvieści da novaha łakdaŭnu.