Pamočnik Łukašenki syšoŭ u adstaŭku, papracavaŭšy dva miesiacy
Łukašenka pryniaŭ adstaŭku pamočnika pa Minskaj vobłaści, ab čym śviedčyć ukaz, apublikavany na Nacyjanalnym pravavym internet-partale.
30.06.2021 / 07:46
Alaksandr Butaraŭ byŭ pryznačany na pasadu pamočnika prezidenta — inśpiektara pa Minskaj vobłaści — 5 krasavika 2021 hoda.
Jon naradziŭsia ŭ 1972 hodzie ŭ vioscy Trylesina Horackaha rajona (ciapier ahraharadok Drybinskaha rajona). Skončyŭ Biełaruskuju dziaržaŭnuju sielskahaspadarčuju akademiju, Akademiju kiravańnia. Ad 1999 da 2007 hoda pracavaŭ na kirujučych pasadach u Škłoŭskim rajonie. Zatym byŭ pieršym namieśnikam staršyni Kruhlanskaha rajvykankama, inśpiektaram Viciebskaj vobłaści analityčnaha ŭpraŭleńnia aparata Saŭmina, pieršym namieśnikam staršyni Horackaha rajvykankama, staršynioj Kiraŭskaha rajvykankama. Ad lipienia 2019 hoda Butaraŭ uznačalvaŭ Horacki rajonny vykanaŭčy kamitet.