U Rasii zafiksavali novy rekord pa śmierciach ad karanavirusa

Za minułyja sutki ŭ krainie ad karanavirusa pamierli 669 čałaviek, paviedamlaje apieratyŭny štab pa baraćbie z raspaŭsiudžvańniem COVID-19. Heta novy absalutny maksimum z pačatku pandemii.

30.06.2021 / 12:07

AHN «Maskva»

Usiaho, pavodle štaba, karanavirus zabraŭ žyćci 135,2 tys. čałaviek. Zachvareli za apošnija 24 hadziny 21 042 čałavieki. 

Danyja apieratyŭnaha štaba adroźnivajucca ad padlikaŭ Rasstata, piša RBK.

Viedamstva z krasavika 2020-ha pa krasavik 2021-ha naličyła kala 270 tys. śmiarotnych vynikaŭ. Roźnica ŭ dva razy tłumačycca inšaj mietodykaj padliku — Rasstat uklučaje vypadki, kali karanavirus vyjavili ŭžo paśla śmierci, a taksama śmiarotnyja vyniki, vyklikanyja inšymi zachvorvańniami na fonie COVID-19.

Pa pryroście novych infikavanych lidzirujuć nastupnyja rehijony:

— Maskva (5823);
— Padmaskoŭje (2583);
— Sankt-Pieciarburh (1503).