Na Mazyrskaj CEC razarvała kacioł, nichto nie paciarpieŭ
Na Mazyrskaj CEC u 6.10 ranicy razarvała parapravod katła. Praca stancyi była prypynienaja, piša Tut.by.
01.07.2021 / 14:51
Dyrektar pradpryjemstva ŭ efiry STB pacvierdziŭ vypadak. Pa jaho słovach, adbyłasia razhiermietyzacyja parapravoda na katle №1.
— Vadzianaja para tempieraturaj 550°C vyrvałasia vonki. Na ščaście, nichto z piersanału nie paciarpieŭ. Adnavić padaču ciapła ŭ sistemu ŭdałosia mienš čym praz hadzinu paśla spynieńnia katłoŭ. Na zapusk turbiny spatrebicca niekalki dzion.
CEC — hałoŭny pastaŭščyk ciapła dla Mazyrskaha naftapierapracoŭčaha zavoda. Na pradpryjemstvie zapeŭnivajuć, što nadzvyčajnaje zdareńnie nie akazała značnaha ŭpłyvu na technałahičnyja pracesy, Mazyrski NPZ pracuje ŭ štatnym režymie.