«Hazpram» admoviŭsia pavialičyć tranzit hazu praz Ukrainu i Polšču
Rasijski «Hazpram» nie staŭ braniravać mahutnaści na nastupny hazavy hod praz Polšču i Ukrainu na hadavych aŭkcyjonach.
05.07.2021 / 14:08
Aŭkcyjony prajšli na płatformach braniravańnia GSA Platform i Regional Booking Platform, paviedamlaje RBK-Ukraina.
«Apieratar hazatranspartnaj sistemy Ukrainy» (AHTSU) vystaŭlaŭ dla hadavoha braniravańnia dadatkovyja «cviordyja» mahutnaści ŭ 9,8 młn kub. m u sutki (u dadatak da doŭhaterminovaha kantrakta ŭ abjomie 40 młrd kub. m na hod — heta 109 młn kub. m u sutki).
U toj ža čas polski Gas System vystaviŭ mahutnaści hazapravoda «Jamał-Jeŭropa» ŭ 79 młn kub. m u sutki.
Pieršapačatkova AHTSU vystaŭlaŭ na aŭkcyjon 15 młn kub. m u sutki, ale potym prapanova skaraciłasia da 9,8 młn kubamietraŭ.
«Hazpram» nie staŭ braniravać mahutnaści praz Polšču i Ukrainu na hadavych aŭkcyjonach», — havorycca ŭ paviedamleńni.