«Biełarusnafta» vyjšła z kancerna «Biełnaftachim», jaki trapiŭ pad sankcyi ZŠA
Vytvorčaje abjadnańnie «Biełarusnafta» vyvodzicca z padparadkavańnia kancerna «Biełnaftachim». Heta vynikaje z ukaza №275 ad 16 lipienia, jaki apublikavany na Nacyjanalnym pravavym internet-partale i ŭstupaje ŭ siłu paśla apublikavańnia.
24.07.2021 / 23:16
Dakumientam unosiacca źmianieńni va ukaz №576 ad 14.09.2006 «Ab stvareńni dziaržaŭnaha vytvorčaha abjadnańnia «Biełarusnafta».
Ź jaho vyklučany padpunkt, jaki vyznačaje, što vytvorčaje abjadnańnie znachodzicca ŭ padparadkavańni Biełaruskaha dziaržaŭnaha kancerna pa nafcie i chimii. Taksama vyklučany i nastupny padpunkt, u jakim było prapisana, što hienieralny dyrektar «Biełarusnafty» pryznačajecca i vyzvalajecca ad pasady staršynioj «Biełnaftachima» pa ŭzhadnieńni z prezidentam.
Nahadajem, z 3 červienia ZŠA adnavili sankcyi ŭ dačynieńni da dzieviaci biełaruskich pradpryjemstvaŭ. U sankcyjnym śpisie prysutničaje «Biełnaftachim», ale «Biełarusnafta» nie zhadvajecca.