U Nikarahua zatrymali ŭžo siomaha kandydata ŭ prezidenty. Ich usich vinavaciać u «pahrozie suvierenitetu»
U Nikarahua ŭrad Daniela Artehi zatrymaŭ siomaha pa liku patencyjnaha kandydata ŭ prezidenty — Noela Vidore.
25.07.2021 / 19:50
Jaho źmiaścili pad chatni aryšt pa abvinavačvańni ŭ «padryvie suvierenitetu». Jon byŭ adnym z patencyjnych kandydataŭ ad hrupy Alianza Ciudadanos por la Libertad, jakaja vystupała suprać Artehi.
75-hadovy Arteha budzie bałatavacca na prezidenckich vybarach čacviorty raz zapar. Jon kiruje krainaj z 2007 hoda, byŭ prezidentam i ŭ 1985-1990 hadach.
Represii ŭ krainie pačalisia 2 červienia. Palityčnyja supierniki Artehi sutyknulisia ź pieratrusami i načnymi aryštami, ich vinavaciać u «pahrozie suvierenitetu» Nikarahua.
Abvinavačvańni hruntujucca na zakonie, inicyjavanym Artehaj i ŭchvalenym zakanadaŭcami ŭ śniežni. Zakon zabaraniaje «tym, chto prosić i vitaje ŭkaranieńnie sankcyj suprać Nikarahua» pretendavać na dziaržaŭnyja pasady.