Надвор'е працягвае здзіўляць: у Бразіліі выпаў снег і нават могуць ударыць маразы
Жыхары Бразіліі пагулялі ў снежкі дзякуючы рэкордна нізкім тэмпературам паветра.
29.07.2021 / 13:33
Globo.com
Аб гэтым піша выданне The Rio Times.
Акрамя таго, як мінімум у 13 гарадах паўднёвага штата Рыу-Грандзі-ду-Сул выпаў снег, у некаторых з населеных пунктаў прайшоў град. Сям-там тэмпература апусцілася да аднаго градуса.
Жыхары краіны публікуюць кадры з месцаў падзей у Twitter.
Паводле СМІ, бразільцы ўжо спяшаюцца пагуляць у снежкі або зляпіць снегавікоў. Некаторыя жыхары краіны спадзяюцца, што снег пачнецца і ў іх гарадах.
Метэаролагі адзначаюць, што хутка снег можа пайсці і ў іншым паўднёвым штаце — Санта-Катарына. Там чакаецца паніжэнне тэмпературы да мінус 10 градусаў.