U MZS Francyi nazvali honaram dla JeS mahčymaść dać prytułak Kryścinie Cimanoŭskaj
Dla Jeŭropy było b honaram pryniać lohkaatletku Kryścinu Cimanoŭskuju, jakuju ŭčora biełaruskaja delehacyja sprabavała adpravić z Alimpijady dachaty.
02.08.2021 / 13:06
Reuters
Takoje mierkavańnie vykazaŭ dziaržaŭny sakratar pa jeŭrapiejskich spravach pry MZS Francyi Kleman Bon u efiry radyjo RFI, piša RBK.
«My z partniorami razhladajem mahčymaść dać joj [Cimanoŭskaj] palityčny prytułak u najbližejšyja tydni abo dni. Ja liču, što heta było honaram dla Jeŭropy», — skazaŭ Bon.
Pryniać biełaruskuju spartśmienku raniej vykazali hatoŭnaść Polšča i Čechija.
Paviedamlałasia, što Kryścina budzie źviartacca pa vizu ŭ Polščy.