Lipieńskaja tempieratura pavietra ŭ Biełarusi na 4,1°C pieravysiła normu

04.08.2021 / 19:33

Siaredniaja pa krainie tempieratura pavietra za lipień 2021 hoda skłała +22,5°S, što vyšej za klimatyčnuju normu na 4,1°S, paviedamlaje sajt Biełhidramiet.

Stanoŭčaja anamałija tempieratury raspaŭsiudziłasia pa ŭsioj krainie. Siaredniaja tempieratura pavietra ŭ pieršaj i druhoj dekadach lipienia pieravysiła klimatyčnuju normu na 4,4 i 6°S adpaviedna. U treciaj było na 2,2ºS ciaplej za normu. Maksimum (+35,5°S) adznačany na stancyi Mahiloŭ 12 lipienia i na stancyi Lelčycy 17 lipienia.

Tempieratura pavietra ŭ ciomny čas sutak na praciahu miesiaca była ŭ miežach +15… +20°S, apuskajučysia ŭ samyja chałodnyja nočy da +10…+14°S i nižej. Minimum (+6,8°S) zafiksavany na stancyjach Jeziaryšča i Łyntupy 22 lipienia.