У Бешанковічах ручны тормаз ровара прабіў нагу 13-гадовага хлопчыка
Здарэнне адбылося 4 жніўня на скрыжаванні вуліц Ткачэнкі і Садовай.
05.08.2021 / 10:24
Падрабязнасці расказалі ратавальнікі.
Як высветлілася, хлопчык разам з сябрам катаўся на ровары і ўпаў, пры гэтым ручка ручнога тормазу ровара ўрэзалася ў нагу.
112.by
«Хлопчык плакаў, усе разам мы супакойвалі яго і пераконвалі, што ўсё будзе ў парадку, — расказалі ратавальнікі. — Ручным гідраўлічным інструментам мы абрэзалі частку канструкцыі ровара і пагрузілі дзіця ў машыну хуткай, пасля гэтага яго даставілі ў бальніцу».