Padčas prasłuchoŭki na sudzie telefonnych razmoŭ Ściapana Łatypava ŭ jaho zdaryŭsia niervovy zryŭ
Siońnia ŭ sudzie Savieckaha rajona Minska praciahnuŭsia sud nad palitźniavolenym žycharom «Płoščy Pieramien» Ściapanam Łatypavym.
05.08.2021 / 13:33
Na pracesie praciahnuli dopyt śviedak, a taksama prasłuchoŭvańnie telefonnych razmoŭ Ściapana, jakoje viali śpiecsłužby z červienia 2020 hoda.
Padčas prasłuchoŭvańnia aŭdyja adnoj z svaich razmoŭ z kaleham, jon nie vytrymaŭ i kinuŭsia da krataŭ z krykami «Što vy tvorycie?»
Pry hetym Ściapan byŭ prykavany kajdankami da kanvairaŭ, jaho adrazu załamali i pakłali na łavu, kab supakoić. Usim prysutnym skazali pakinuć zału.
U sudzie abviaścili pierapynak da 14:30, paviedamlajuć pravaabaroncy.