Izrail vyklučyŭ Biełaruś sa śpisu zabaronienych dla naviedvańnia krain
Minizdaroŭja Izraila vyklučyła z 16 žniŭnia Biełaruś, Arhiencinu, Vialikabrytaniju, Indyju, Kipr, Kyrhyzstan, Uźbiekistan i PAR sa śpisu krain, zabaronienych dla naviedvańnia Izrailcianami ŭ pieryjad pandemii biez dazvołu śpiecyjalnaj kamisii.
16.08.2021 / 12:25
Pra heta paviedamiła ŭ paniadziełak pres-słužba Ministerstva achovy zdaroŭja dziaržavy.
Ministerstva zacvierdziła skład dvuch śpisaŭ — «čyrvonaha» i «žoŭtaha».
U «čyrvonym» z 16 žniŭnia zastajucca Bałharyja, Braziłija, Hruzija, Ispanija, Mieksika i Turcyja, dla ich naviedvańnia patrabujecca dazvoł izrailskich uładaŭ, parušeńnie hetaha stanovišča karajecca štrafam u piać tysiač šekielej (kala 1,5 tysiačy dalaraŭ).
U «žoŭtym» z paniadziełka znachodziacca Aŭstrałija, Aŭstryja, Vienhryja, Hankonh, Kitaj, Małdova, Novaja Ziełandyja, Sinhapur, Tajvań i Čechija, ź jakich pa viartańni budzie nieabchodna izalavacca na sutki ci da atrymańnia admoŭnaha testu na COVID-19.
Usie astatnija krainy, uklučajučy Biełaruś, z 16 žniŭnia adniesieny da «aranžavaha» śpisu dziaržaŭ, jakija izrailcianam naviedvać dazvolena, ale pa viartańni ź jakich abaviazkova prachodžańnie tydniovaha karancinu navat dla vakcynavanych i pierachvarełych.