Талібы адкрылі агонь па ўдзельніках акцыі ў абарону сцяга Афганістана
Удзельнікі руху «Талібан» адкрылі стральбу па ўдзельніках акцыі ў падтрымку нацыянальнага сцяга краіны, якая прайшла ў Джэлалабадзе, цэнтры правінцыі Нангархар, паведамляе meduza.io.
18.08.2021 / 14:09
Мясцовыя жыхары выступілі супраць таго, што талібы зрываюць сцягі Афганістана з будынкаў і мяняюць іх на белы сцяг «Талібана» з напісанай чорным колерам шахадай. Пратэстоўцы прайшлі маршам па вуліцах горада, размахваючы афганскімі сцягамі.
На адной з плошчаў у Джэлалабадзе ўдзельнікі акцыі пратэсту знялі сцяг «Талібана» і пачалі размахваць нацыянальным сцягам, пасля чаго паміж пратэстоўцамі і талібамі адбыліся сутыкненні.
На відэазапісах з Джэлалабада, якія публікуюць у сацсетках, чутныя стрэлы.