Андрэй Скурко складае за кратамі кранальныя вершы для малога сына
Андрэй Скурко — палітвязень, кіраўнік аддзела рэкламы і маркетынгу «Нашай Нівы». Ён і раней пісаў казкі, вершыкі і складаў сцэнары коміксаў для дзіцячых выданняў, але тыя, якія ён дасылае з турмы, — неперавершаныя.
21.08.2021 / 18:48
Ён піша іх для свайго паўтарагадовага сына.
Добры воўк жыве ў лесе:
Ні да кога ён не лезе,
Не хапае, не кусае —
Ён слабых абараняе.
Зайчаняты, лісяняты,
Барсучкі і бабраняты
Лезуць смела на калені.
І крычыць у захапленні
Самы смелы барсучок:
«Пакатайце нас, ваўчок!»
У Скурко цяжкая форма дыябету, знаходжанне ў турме можа прывесці да страшнага пагаршэння здароўя. Нягледзячы на гэта, следства абрала меру ўтрыманне пад вартай — як мінімум, да 18 верасня.
Падтрымайце Андрэя лістом!
220030, г. Мінск, вул. Валадарскага, 2. СІЗА №1