Пачалося будаўніцтва Пецярбургскага тэрмінала, праз які будуць транспартаваць нафтапрадукты з Беларусі
Порт Пецярбургскага нафтавага тэрмінала можа стаць вядучым перавалачным пунктам экспарту беларускіх нафтапрадуктаў. Пра гэта сёння заявіў губернатар Аляксандр Бяглоў пасля цырымоніі закладкі новага комплексу захоўвання і перавалкі нафтапрадуктаў.
14.09.2021 / 15:53
Аляксандр Бяглоў падкрэсліў, што ў студзені гэтага года Уладзімір Пуцін даручыў стварыць умовы для апрацоўкі 100% нафтапрадуктаў, якія Беларусь экспартуе праз расійскія марскія парты.
«Порт Пецярбургскага нафтавага тэрмінала можа стаць вядучым у супрацоўніцтве нашых краін», — адзначыў губернатар, падкрэсліўшы, што такія праекты вызначаюць інвестыцыйную прывабнасць Пецярбурга.
Нагадаем, што ў лютым 2021 года Беларусь і Расія падпісалі міжурадавае пагадненне аб арганізацыі перавалкі больш за 9,8 млн тон беларускіх нафтапрадуктаў у расійскіх партах у 2021-2023 гадах. Беларусь гарантавала пераваліць у 2021 годзе не менш за 2 млн тон нафтапрадуктаў праз парты Расіі. Згодна з пагадненнем аб'ём можа быць павялічаны.