U Łunincy z-za našeścia biełaha matylka ŭviali karancin: buduć abrazać i źniščać drevy kala ačaha zaražeńnia

Niebiaśpiečnaje nasiakomaje vyjavili taksama ŭ Ivanaŭskim, Pinskim i Stolinskim rajonach.

16.09.2021 / 13:56

Fota «Miedyja-Palessie»

U Łunincy z-za našeścia amierykanskaha biełaha matyla ŭviali karancin, piša «Miedyja-Palessie».

U inśpiekcyi raspaviali, što śpiecyjalisty adabrali ŭzory vusieniaŭ i adpravili ŭ abłasnuju łabaratoryju. Akazałasia, što siarod ich byli pachodny šaŭkaprad i amierykanski bieły matylok, jaki adnosicca da karancinnych abjektaŭ.

Karancinny režym uvodzicca na try hady. Ačah raspaŭsiudu — vulica Čyhunačnaja u rajonie doma №4. Karancinnaja zona ŭ radyusie kiłamietra.

Karancin praduhledžvaje abrazańnie i źniščeńnie paškodžanych drevaŭ, źbirańnie kokanaŭ i ich spalvańnie, apracoŭka zialonych dreŭ i nasadžeńniaŭ insiektycydami dy niekatoryja inšyja mierapryjemstvy.