Niekatorych zatrymanych učora zavadčan z «Hrodna Azotu» vyzvalili
Jak paviedamlajuć pravaabaroncy, heta Arciom i Ryhor Ruban, Alaksiej Sidar, Dźmitryj Iljuščanka. Ale pry hetym zatrymańni praciahvajucca.
23.09.2021 / 13:45
Siońnia ranicaj paśla načnoj źmieny byŭ zatrymany Andrej Bašan. Taksama viadoma pra zatrymańnie jašče adnaho zavadčanina z BMZ — jon vyjechaŭ na pracu, ale tam nie źjaviŭsia. Proźvišča zatrymanaha vyśviatlajecca.
Na hety momant pravaabaroncam «Viasny» viadoma, što zatrymanymi zastajucca minimum 13 čałaviek, jakija pracujuć ci pracavali i zvolnilisia ŭ znak pratestu na «Hrodna Azocie», BMZ, Biełaruskaj Čyhuncy.
Viadoma, što niekatorych ź ich źmiaścili ŭ SIZA KDB u Minsku. Dźmitryja Jelisiejeva z BMZ źmiaścili ŭ homielskaje SIZA.