Žychar Šumilinskaha rajona vyrašyŭ raśpiłavać vajenny snarad — jon vybuchnuŭ, mužčyna zahinuŭ
Ranicaj 25 vieraśnia pastupiła paviedamleńnie pra hibiel 56-hadovaha žychara Viciebska, paviedamlaje Śledčy kamitet. Na miesca vybyła śledča-apieratyŭnaja hrupa.
25.09.2021 / 19:45
Jak vyśvietliłasia, mužčyna byŭ u haściach u svajoj maci ŭ Šumilinskim rajonie i pracavaŭ u haražy. U niejki momant piensijanierka pačuła vybuch, paśla čaho na padłozie znajšła syna ŭžo biez prykmiet žyćcia.
Pavodle papiaredniaj infarmacyi, mužčyna raśpiłoŭvaŭ raniej znojdzienyja snarady časoŭ Vialikaj Ajčynnaj vajny. Ad uździejańnia adzin ź ich vybuchnuŭ.
Na miescy zdareńnia pracavała sapiorna-piratechničnaja hrupa, jakaja vyjaviła jašče čatyry cełyja snarady i adzin raśpiłavany. Ich zabrali dla źniščeńnia.
Śledčyja praciahvajuć pracu na miescy zdareńnia. Apytvajucca svajaki zahinułaha i susiedzi. Pryznačanaja sudova-miedycynskaja ekśpiertyza.