SK raspačaŭ novuju kryminalnuju spravu suprać Tutbaja
Hałoŭnym śledčym upraŭleńniem Śledčaha kamiteta ŭ dačynieńni da słužbovych asob i rabotnikaŭ «Tut Baj Miedyja» i inšych asob raspačata kryminalnaja sprava pa č. 3 art. 130 (Raspalvańnie rasavaj, nacyjanalnaj, relihijnaj albo inšaj sacyjalnaj varožaści abo roźni, ździejśnienaje hrupaj asob).
07.10.2021 / 09:54
Što kankretna majecca na ŭvazie i suprać kaho raspačata novaja sprava, nie paviedamlajecca.
18 maja ŭ ofis Tut.baja i ŭ kvatery niekatorych supracoŭnikaŭ, u tym liku da hałoŭnaha redaktara Maryny Zołatavaj, redaktaraŭ Aleny Tałkačovaj i Volhi Łojki, hałoŭnaj buchhałtarki Anžeły Asad pryjšli siłaviki.
U Kamitecie dziaržkantrolu zajavili, što ŭ dačynieńni da słužbovych asob TAA «Tut baj Miedyja» raspačataja kryminalnaja sprava pa prykmietach składu złačynstva, praduhledžanaha č. 2 art. 243 KK (Uchileńnie ad vypłaty sum padatkaŭ, zboraŭ u asabliva bujnym pamiery). Majučy status rezidenta PVT, kampanija nibyta atrymlivała vyručku, nie abumoŭlenuju dziejnaściu, dazvolenaj dla rezidentaŭ. Amal paŭtara dziasiatka supracoŭnikaŭ z taho času znachodziacca za kratami.
Tady ž, 18 maja, byŭ zabłakavany sajt, a 13 žniŭnia materyjały sajta, a taksama viersii ŭ sacyjalnych sietkach (u tym liku telehram-kanał) pryznanyja ekstremisckimi.