Pradstaŭnik biełaruskaha pasolstva vyklikany ŭ MZS Polščy

Učora biełaruski patrul abstralaŭ polskich sałdat, jakija patrulavali miažu, paviedamlaje «Polskaje radyjo».

08.10.2021 / 20:04

Časovy pavierany ŭ spravach pasolstva Biełarusi vyklikany ŭ Ministerstva zamiežnych spraŭ Polščy ŭ suviazi ź incydentami na polska-biełaruskaj miažy. Infarmacyju pacvierdziŭ pres-sakratar Ministerstva zamiežnych spraŭ Łukaš Jasina.

Učora biełaruski patrul abstralaŭ polskich žaŭnieraŭ, jakija patrulavali miažu, vierahodna, vykarystoŭvajučy chałastyja patrony, zajaviła pres-sakratarka pamiežnaj słužby lejtenant Anna Michalska. Heta była čarhovaja pravakacyja takoha typu.

U svaju čarhu, pres-sakratar ministra-kaardynatara śpiecsłužbaŭ Stanisłaŭ Žaryn zajaviŭ, što mihracyjny šlach z Biełarusi ŭ Polšču stvarajuć biełaruskija dziaržaŭnyja struktury. Jon dadaŭ, što ŭ heta zadziejničany najvažniejšyja instytuty, u tym liku Alaksandr Łukašenka, Ministerstva zamiežnych spraŭ i siłavyja struktury, a taksama śpiecsłužby Biełarusi.