U 2021 hodzie reekspart kvietak ź Biełarusi ŭ Rasiju praktyčna spyniŭsia
Uvoz kvietak ź Biełarusi ŭ Rasiju ŭpaŭ amal na $100 młn — da $14,9 młn. Heta źviazana z tym, što pierastała dziejničać schiema, pry jakoj niekalki apierataraŭ vyzvalalisia ad PDV pry ŭvozie kvietak, źviartaje ŭvahu RBK.
14.10.2021 / 18:41
U samym pačatku 2021 hoda rasijski sajt «Projekt» apublikavaŭ rasśledavańnie pra kantrabandu i reekspart tavaraŭ ź Biełarusi. Pra reekspart kvietak zahavaryli na aficyjnym uzroŭni.
Pastaŭki tannych kvietak udałosia spynić admienaj Minskam nulavoha PDV.
Da 31 žniŭnia 2021 hoda šerah apierataraŭ vyzvalaŭsia ad PDV u 20% pry ŭvozie ŭ Biełaruś pradukcyi, u tym liku kvietak, jakuju potym ekspartavali ŭ krainy Jeŭrazijskaha ekanamičnaha sajuza (JEAES). Ilhota stvaryła tak zvanuju biełaruskuju schiemu ekspartu ŭ Rasiju, z dapamohaj jakoj pradaŭcy impartnych kvietak z Ekvadora, Kienii, Niderłandaŭ i inšych krain mahli realizoŭvać ich pa zanižanych cenach na rasijskim rynku.