Цана нафты Brent перавысіла $85 упершыню за тры гады
Цана снежаньскага ф'ючарса на нафту маркі Brent 15 кастрычніка паднялася вышэй за $85 за бараль, сведчаць даныя таргоў на лонданскай біржы ICE.
15.10.2021 / 11:21
На максімуме дня бараль Brent даражэў да $85,08, дадаючы 1,1% да папярэдняга закрыцця.
Кошт нафты WTI таксама расце. Лістападаўскія ф'ючарсы нафты WTI на Нью-ёркскай таварнай біржы падаражэлі на 1% — да $82,13 за бараль.
Цэны на нафту растуць на фоне высокага попыту і боязі скарачэння паставак у наступныя некалькі месяцаў, паколькі імклівы рост коштаў на газ і вугаль падштурхнуў вытворцаў электраэнергіі да пераходу на нафтапрадукты.