14-hadovaja biełaruska pieramahła na mižnarodnym fiestyvali ŭ Italii
Junaja salistka pradziusarskaha centra «Spamaš» Ksienija Haleckaja vyjhrała prestyžny dziciačy vakalny konkurs Sanremo Junior.
17.10.2021 / 11:30
«SanRemo Junior» — adzin sa znakamitych konkursaŭ dla dziaciej da 15 hadoŭ, jaki prachodzić pad patranažam Dziciačaha fondu AAN (JUNISIEF) i administracyi San-Rema.
Konkurs prachodzić na scenie papularnaj kancertnaj zały «Ariston». Hałoŭnaje jaho adroźnieńnie ad bolšaści vakalnych konkursaŭ u tym, što ŭsie ŭdzielniki «Sanremo Junior» vystupajuć pad muzyku viadomaha žyvoha simfaničnaha arkiestra ź Italii.
Respubliku Biełaruś pradstaviła 14-hadovaja Ksienija Haleckaja, jakaja jarka vykanała lehiendarny chit hurta «The Jackson 5» «Who's Loving You».
Našu artystku ŭ Italii supravadžała Taćciana Truchan, piedahoh pa vakale ź vialikim i paśpiachovym vopytam padrychtoŭki vakalistaŭ da roznych respublikanskich i mižnarodnych konkursaŭ.