Kiraŭniki MZS krain JES abmiarkujuć siońnia dalejšyja sankcyi. U tym liku da «Biełavii»
Ministry zamiežnych spraŭ krain Jeŭrasajuza na sustrečy ŭ Luksiemburhu 18 kastryčnika płanujuć abmierkavać dalejšaje ŭzmacnieńnie sankcyj u dačynieńni da Biełarusi, paviedamiŭ kiraŭnik MZS Łatvii Edhar Rynkievič.
18.10.2021 / 11:39
Na jaho dumku, JES nieabchodna ŭzmacnić cisk na «tak zvanyja turystyčnyja kampanii», jakija arhanizujuć prybyćcio mihrantaŭ ź Siryi i inšych krain u Biełaruś, paviedamlaje BiełaPAN.
«My pavinny całkam uvieści sankcyi ŭ dačynieńni da avijakampanii «Biełavija», kab jana nie mahła atrymlivać techničnuju padtrymku, kab byli niedastupnyja stykovačnyja rejsy», — skazaŭ Rynkievič.
Nahadajem, 15 kastryčnika ŭrad Niamieččyny prapanavaŭ pašyryć sankcyi suprać Biełarusi dla baraćby ź nielehalnaj mihracyjaj.