Minzdaroŭja rastłumačyła, čamu prypyniła akazańnie płanavaj mieddapamohi
U Ministerstvie achovy zdaroŭja rastłumačyli, čamu byŭ uviedzieny novy zahad, jakim časova prypyniena akazańnie płanavaj miedycynskaj dapamohi ŭ ambułatorna-palikliničnych arhanizacyjach achovy zdaroŭja.
19.10.2021 / 10:30
Nahadajem, havorka idzie ab praviadzieńni dyspansieryzacyi, skryninhavych mierapryjemstvaŭ, vykanańni reabilitacyjnaj dapamohi, fizijaterapieŭtyčnych pracedur, manipulacyj padčas znachodžańnia ŭ addzialeńniach dzionnaha znachodžańnia.
«Uličvajučy epidemičnuju situacyju, siońnia Ministerstvu achovy zdaroŭja padajecca metazhodnym pastavić bolš žorstkija ramki ŭ pracy ambułatorna-palikliničnaha źviana. Pry hetym zahadam pavialičvajecca čas pracy KT-kabinietaŭ u Minsku. Heta dapamoža pavysić častatu vyjaŭleńnia i zabiaśpiečyć svoječasovuju špitalizacyju i akazańnie dapamohi pacyjentam z COVID-19. Akramia taho, vyzvalajučy miedykaŭ ad płanavaj dapamohi, my pavialičvajem kolkaść kantaktnych bryhad na vyjezdach. Situacyja z karanavirusnaj infiekcyjaj prymušaje rasstaŭlać pryjarytety», — havorycca ŭ paviedamleńni.