Калядны хакейны турнір на прызы Лукашэнкі зноў адменены
Прычынай названы каранавірус.
20.10.2021 / 10:16
Калядны міжнародны турнір на прызы Лукашэнкі, што праводзіўся ў пачатку студзеня, у 2022 годзе таксама не адбудзецца.
«Зыходзячы з абмежаванняў на перамяшчэнні, узросту ўдзельнікаў турніру і дзейных рэкамендацый СААЗ па зніжэнні рызык распаўсюджвання вірусных інфекцый, арганізатарамі было прынята рашэнне аб яго адмене», — паведамляе Федэрацыя хакея Беларусі.
У студзені 2021-га ён таксама не праводзіўся. Афіцыйнай прычынай таксама называўся каранавірус.
Калядны міжнародны турнір праходзіў з 2005 года. Каманда Лукашэнкі выйгравала яго 13 разоў з 16.