Літва ўручыла Беларусі ноту з-за бесперапынных выпадкаў парушэння дзяржмяжы
Міністэрства замежных спраў Літвы ўручыла Беларусі ноту з-за бесперапынных выпадкаў парушэння дзяржаўнай мяжы.
20.10.2021 / 16:38
Міністэрства паведаміла, што ў сераду быў выкліканы прадстаўнік амбасады Беларусі і яму была ўручаная дыпламатычная нота, у якой выказваўся пратэст з-за згаданых бесперапынных парушэнняў дзяржмяжы.
Нота ўручаная з-за парушэння мяжы ў Друскінінкайскім самакіраванні. Сцвярджаецца, што беларускі памежнік падышоў да літоўскага памежнага слупа.
«МЗС патрабуе, каб Беларусь як мага хутчэй дала тлумачэнні з нагоды інцыдэнту і прыняла неабходныя меры, каб у будучыні такое не паўтарылася», — гаворыцца ў паведамленні МЗС Літвы.