Hruzinskaja prakuratura raskazała, jak Saakašvili prybyŭ u Hruziju
Były prezident Hruzii i hramadzianin Ukrainy Michaił Saakašvili prybyŭ u Hruziju, schavaŭšysia ŭ hruzaviku z małočnaj pradukcyjaj, paviedamlaje prakuratura krainy.
20.10.2021 / 18:56
Ministerstva ŭnutranych spraŭ Hruzii vyśvietliła, što 28 vieraśnia kala 23:00 u port Poci ŭvajšło sudna pad nazvaj «Vilnia». Jano adpraviłasia z ukrainskaha porta Čarnamorsk. Z hetaha sudna 29 vieraśnia ŭ 01:04 adpraviŭsia trejler Scania, jaki byŭ zahružany małočnaj pradukcyjaj. Unutry znachodziŭsia były prezident krainy.
Saakašvili vyjšaŭ z hruzavika ŭ 01:49 pavodle Tbiliskaha času ŭ porcie Poci i takim čynam niezakonnym šlacham pierasiek miažu Hruzii. Znachodžańnie Saakašvili ŭ trejlery paćviardžajuć zapisy, kanfiskavanyja ź jaho telefona.
Paśla druhoj nočy Saakašvili pierasieŭ u lehkavy aŭtamabil Mercedes, jaki jaho sustrakaŭ.
U prakuratury Hruzii zajavili, što Saakašvili aficyjna vystavili abvinavačvańnie ŭ niezakonnym pierasiačeńni dziaržaŭnaj miažy.