У Крычаве зноў затрымалі незалежнага журналіста Сяргея Няроўнага
Калегу затрымалі па новай справе проста на ганку суда, піша БАЖ.
20.10.2021 / 20:31
Сёння мусіў адбыцца працяг разгляду папярэдняй адміністрацыйнай справы супраць журналіста. Але з-за вялікай колькасці недакладнасцяў суд адправіў справу на дапрацоўку.
На ганку суда міліцыя зноў затрымала журналіста, цяпер ужо па новай справе. Няроўнага зноў вінавацяць у распаўсюдзе экстрэмісцкіх матэрыялаў (19.11 КаАП) і зноў затрымалі на 72 гадзіны да суда.
У мінулыя выходныя дома ў Сяргея Няроўнага міліцыя правяла вобшук, забралі камп'ютарную тэхніку.