Aŭtobus ź biełarusami trapiŭ u DTZ pad Kijevam. Šaściora čałaviek u balnicy

Avaryja adbyłasia ŭ čacvier na 51-m kiłamietry trasy Kijeŭ — Znamienka. Mikraaŭtobus sutyknuŭsia z hruzavikom. Pavodle źviestak miascovaj palicyi, u aŭtobusie znachodzilisia 17 čałaviek — usie biełaruskija hramadzianie.

22.10.2021 / 08:29

Fota ŭkrainskaj palicyi

Šaściora čałaviek dastaŭlenyja ŭ Abuchoŭskuju balnicu, paviedamlaje Minzdaroŭja.

Paśla pieršasnaha ahladu daktary paviedamili biełaruskim kaleham, što paciarpiełyja atrymali traŭmy siaredniaj i lohkaj stupieni. Ich žyćciu ničoha nie pahražaje.

Śpiecyjalisty Ministerstva achovy zdaroŭja Biełarusi znachodziacca ŭ pastajannym kantakcie z ukrainskimi śpiecyjalistami, paviedamlaje viedamstva.