U «Minsktransie» patłumačyli, čamu prybrali nalepki pra masačny režym
Minčuki paviedamlajuć, što ŭ hramadskim transparcie horada stali adsutničać nalepki ab nieabchodnaści vykanańnia masačnaha režymu. Situacyju prakamientavała pres-sakratar «Minsktransa» Alena Hramyka.
26.10.2021 / 16:36
— Našeńnie maski — sprava dobraachvotnaja kožnaha z nas. Tamu taja infarmacyja, jakaja była ŭ nas raźmieščana ŭ ruchomym sastavie i nasiła abaviazkovy charaktar, źniataja, — adznačyła pradstaŭnik pradpryjemstva.
Nahadajem, Łukašenka padčas pryśviečanaj karanavirusu narady rezka vykazaŭsia: vakcynacyja i maski — tolki dobraachvotna, nijakich prymusaŭ. I voś jak minimum u Minsku va ŭsiu moc zdymajuć papiaredžańni, płakaty, zakliki da zachavańnia masačnaha režymu.
Infarmacyju ab abaviazkovym našeńni masak i prytrymlivańni dystancyi prybirajuć usiudy: na zapraŭkach, u hramadskim transparcie, u kramach.
Ludzi pišuć, što apaviaščeńni ab maskach ekstranna vydalajucca i z hukavych paviedamleńniaŭ u transparcie.