SK pacvierdziŭ śmierć Andreja Skrypkina, jakoha padazrajuć u zabojstvie siamji bankira z Maskvy
SK Biełarusi pacvierdziŭ śmierć Andreja Skrypkina, jakoha padazravali ŭ zabojstvie siamji maskoŭskaha bankira
28.10.2021 / 12:20
«Śledča-apieratyŭnaja hrupa pravodzić ahlad u izalatary. U ciapierašni čas atrymanyja źviestki ŭkazvajuć na toje, što mieła miesca samahubstva», — zajaviła aficyjny pradstaŭnik SK Jułija Hančarova.
Pra zabojstva stała viadoma ŭ aŭtorak. U kvatery na zachadzie Maskvy znajšli zabitymi bankira, jaho žonku i vaśmihadovaha syna. U muža i žonki byli nažavyja ranieńni, a ŭ dziciaci — pierarezanaje horła.
Skrypkin — były dziełavy partnior Jachantava, praź Biełaruś jon źbiraŭsia trapić u Jeŭropu. Tut jaho i zatrymali.
Pavodle papiaredniaj viersii śledstva, złačynca nie čakaŭ, što ŭ kvatery, akramia bankira Jachantava, buduć jaho syn i žonka. U muža i žonki byli nažavyja ranieńni, a ŭ dziciaci — pierarezanaje horła.
Zabity Michaił Jachantaŭ byŭ adnym z top-mieniedžaraŭ maskoŭskaha fiłijała «Smalenskaha banka». U 2016 hodzie jon staŭ fihurantam kryminalnaj spravy praz naŭmysnaje bankructva. Jaho abvinavačvali ŭ vyvadzie na rachunki padkantrolnych zamiežnych kampanij bolš za 600 miljonaŭ rasijskich rubloŭ.
U 2019 hodzie Jachantava prysudzili da šaści hadoŭ kałonii. Z ulikam taho, što aryštavany jon byŭ jašče ŭ 2016 hodzie, a dzień u SIZA zaličvajecca za paŭtara dnia ŭ kałonii, termin u jaho skončyŭsia hetym letam.
Prysudam suda ź Jachantava i troch jahonych saŭdzielnikaŭ spahnali bolš za 8,4 miljarda rasijskich rubloŭ na karyść Ahienctva pa strachavańni ŭkładaŭ.