Minčuku dali try hady «chimii» za ŭdzieł u pratestach 10 žniŭnia
U sudzie Frunzienskaha rajona Minska da troch hadoŭ «chimii» (art. 342 Kryminalnaha kodeksa) asudzili 33-hadovaha Aleha Bujkieviča.
04.11.2021 / 16:41
Jaho abvinavacili va ŭdziele ŭ akcyi pratestu 10 žniŭnia 2020 hoda na praśpiekcie Pieramožcaŭ: vykrykvaŭ łozunhi, błakavaŭ darohu «sčepkaj» ź inšymi pratestoŭcami. Paśla dvuch z pałovaj miesiacaŭ znachodžańnia pad vartaj Aleha adpuścili na volu da nakiravańnia na «chimiju», paviedamlaje spring96.org.
Pavodle viersii abvinavačvańnia, Aleh Bujkievič 10 žniŭnia 2020 hoda braŭ aktyŭny ŭdzieł u «hrupavych dziejańniach, jakija hruba parušajuć hramadski paradak i spałučanyja ź vidavočnym niepadparadkavańniem zakonnym patrabavańniam pradstaŭnikoŭ ułady — supracoŭnikaŭ AUS, a mienavita, znachodziačysia na prajeznaj častcy darohi, publična vykrykvaŭ łozunhi, naŭmysna ažyćciaviŭ błakavańnie prajeznaj častki šlacham sumiesnaha vychadu ź inšymi hramadzianami ŭ «sčepcy łokciami» na pałosy ruchu prajeznaj častki darohi na pr. Pieramožcaŭ u Minsku.
Na sudzie Aleh Bujkievič pryznaŭ vinu całkam.