U Telegram źjavilisia aficyjnyja rekłamnyja paviedamleńni
7 listapada ŭ Telegram stali źjaŭlacca pieršyja aficyjnyja rekłamnyja paviedamleńni, zapusk jakich raniej anansavaŭ zasnavalnik miesiendžara Pavieł Duraŭ.
07.11.2021 / 20:08
Paviedamleńni z pamietkaj «sponsored» raźmiaščajucca ŭ mnohich bujnych kanałach pad apošnim dopisam. U asnoŭnym jany rekłamujuć novyja małaviadomyja telehram-kanały.
Administratary paviedamlajuć, što nie bačać, jakija mienavita rekłamnyja pasty źjaŭlajucca ŭ ich u kanałach, a taksama skardziacca, što nie mohuć paŭpłyvać na charaktar rekłamy, jakaja raźmiaščajecca ŭ ich.
Zasnavalnik miesiendžara paabiacaŭ, što rekłama źjavicca tolki ŭ vialikich telehram-kanałach z bolš čym tysiačaj padpisčykaŭ i nie budzie pakazvacca ŭ čatach i hrupach. Taksama jon zajaviŭ, što ŭ karystalnikaŭ źjavicca mahčymaść adklučać rekłamnyja abjavy ŭ Telegram.