U Kramli prakamientavali telefonnuju razmovu Mierkiel i Łukašenki

Pres-sakratar prezidenta Rasii Dźmitryj Piaskoŭ, kamientujučy telefonnuju razmovu pamiž Alaksandram Łukašenkam i Anhiełaj Mierkiel, źviarnuŭ uvahu na važnaść pramych kantaktaŭ JeS i ŭładaŭ krainy pa temie mihracyjnaha kryzisu.

17.11.2021 / 13:28

«Vielmi važna, što byŭ naŭprost ustalavany kantakt pamiž pradstaŭnikami JeS i kiraŭnictvam Biełarusi», — cytuje słovy Piaskova TASS.

Piaskoŭ taksama adznačyŭ, što ŭ minułych telefonnych razmovach prezidenta Rasii Uładzimira Pucina i Mierkiel z Łukašenkam «adbyŭsia abmien dumkami pa mahčymym šlachach vyrašeńnia» mihracyjnaha kryzisu. «Hetamu jak raz kantakty i byli pryśviečanyja. Usio, što možna było paviedamić pa hetaj temie, było paviedamlena», - dadaŭ pres-sakratar.

Nahadajem, što ŭ paniadziełak Łukašenka i Mierkiel praviali 50-chvilinnuju telefonnuju razmovu, padčas jakoha abmierkavali šlachi raźviazańnia mihracyjnaha kryzisu.