Меркель заявіла, што цалкам салідарная з Польшчай па сітуацыі на мяжы з Беларуссю
В. а. канцлера ФРГ Ангела Меркель і прэм'ер-міністр Польшчы Матэуш Маравецкі абмеркавалі крызіс з бежанцамі на ўсходніх межах ЕС. Пра гэта паведаміў у сераду прадстаўнік германскага Кабміна Штэфэн Зайберт.
17.11.2021 / 22:57
Паводле яго слоў, бакі дамовіліся ўзгадняць дзеянні ва ўмовах «сітуацыі, якая ўсяляе непакой», на знешніх межах супольнасці. «Канцлерка ўказала на поўную салідарнасць з Польшчай», — гаворыцца ў паведамленні.