Jeŭrakamisija: Niama nijakich pieramoŭ z režymam Łukašenki

JES nie budzie vieści pieramovy ź Minskam pra los mihrantaŭ, bo kryzis byŭ stvorany Łukašenkam i jon sam pavinien jaho vyrašyć, zajaviŭ RBK pres-sakratar Jeŭrakamisii Pieter Stana. Mahčymyja tolki techničnyja pieramovy.

18.11.2021 / 19:45

JES nie maje namieru vieści pieramovy z Łukašenkam u pytańni dalejšaha losu mihrantaŭ, jakija znachodziacca na miažy z Polščaj, zajaviŭ RBK pres-sakratar Jeŭrakamisii Pieter Stana.

«Niama nijakich pieramoŭ z režymam Łukašenki. Jon stvaryŭ hety kryzis, jon pryvioz hetych ludziej u Biełaruś, schłusiŭšy im, što jany zmohuć ź lohkaściu trapić u JES, i jany znachodziacca na terytoryi Biełarusi. Jon adkazny nie tolki za toje, kab pakłapacicca pra hetych ludziej i vyrašyć kryzis, ale i za toje, kab dać dostup mižnarodnym arhanizacyjam dla dapamohi tym, chto maje patrebu, i dazvolić repatryjacyju ludziej, jakich jon pryvioz u krainu», — skazaŭ Stana.

«Tamu ab pieramovach z režymam Łukašenki havorki nie idzie. Što my budziem rabić, dyk heta pravodzić techničnyja pieramovy z ahienctvami AAN i biełaruskimi kalehami na pracoŭnym uzroŭni, kab palehčyć repatryjacyju ludziej, jakija ciapier utrymlivajucca biełaruskimi siłami biaśpieki na terytoryi Biełarusi. Hetaja praca ŭ pracesie», — dadaŭ jon.

Nashaniva.com