U Estonii raskazali, kali ES uviadzie novyja sankcyi suprać Biełarusi
ES «pastaviŭ metu» ŭvieści novyja sankcyi suprać Biełarusi da kanca listapada, zajaviła kiraŭnica MZS Estonii Eva-Maryja Lijmets, paviedamlaje EBR. Zaraz Brusiel zajmajecca jurydyčnym afarmleńniem novaha pakieta abmiežavańniaŭ.
22.11.2021 / 19:09
«Ciapier pastaŭlenaja meta ŭvieści sankcyi da kanca miesiaca… Idzie praca nad jurydyčnym afarmleńniem pakieta — jurydyčnyja słužby Jeŭrasajuza jaho šlifujuć», — raskazała jana.
ES uzhadniaje novy sankcyjny pakiet u tym liku z ZŠA i inšymi krainami. ZŠA svaje sankcyi suprać Biełarusi pavinny ŭvieści ŭ pačatku śniežnia.
Kazać pra toje, jakija kankretna fizičnyja i jurydyčnyja asoby ŭvojduć u novy sankcyjny śpis, ministr nie stała.
Adnak kiraŭnik MZS Estonii pacvierdziła, što havorka idzie pra tyja struktury, jakija, pa viersii Jeŭrasajuza, brali ŭdzieł u dastaŭcy mihrantaŭ da miažy Biełarusi i Polščy i ŭ arhanizacyi mihracyjnaha kryzisu.