ES vydzielić €3,5 młn na viartańnie mihrantaŭ ź Biełarusi ŭ svaje krainy
ES vydzielić €3,5 młn na toje, kab padtrymać dobraachvotnaje viartańnie mihrantaŭ ź Biełarusi ŭ svaje krainy. Pra heta zajaviła ŭ aŭtorak kiraŭnica Jeŭrakamisii Ursuła fon der Lajen, paviedamlaje TASS.
23.11.2021 / 21:29
«Usio bolš mihrantaŭ akazvajucca ŭ pastcy, i my budziem supracoŭničać z ahienctvami AAN, kab palehčyć ich viartańnie dadomu. My mabilizujem da €3,5 młn dla padtrymki dobraachvotnaha viartańnia ź Biełarusi», — paviedamiła jana.
Mihracyjny kryzis na miažy Biełarusi z Łatvijaj, Litvoj i Polščaj, kudy z pačatku hoda nakiravalisia mihranty, rezka abvastryŭsia 8 listapada. Niekalki tysiač čałaviek padyšli ź biełaruskaha boku da polskaj miažy i nie pakidali pamiežnuju zonu, niekatoryja ź ich pasprabavali trapić na terytoryju Polščy, złamaŭšy zaharodu z kalučaha drotu.
Krainy ES abvinavačvajuć Minsk u naŭmysnaj eskałacyi kryzisu.